Të përqafuar dhe duke kërcyer në mënyrë sensuale, Angela Martini publikon videon e ‘nxehtë’ me partnerin

Modelja e njohur shqiptare, Angela Martini e cila prej vitesh jeton dhe punon në Shtetet e Bashkuara të Amerikës po shijon pushimet së bashku më partnerin e saj, Dragos Savulesvu. Ishulli grek, Mykonos është destinacioni i preferuar i çiftit. Ajo është shumë aktive në rrjetet sociale, ku ka ndarë me fansat momente nga përditshmëria e saj. Së fundmi modelja ka publikuar një video në InstaStory, teksa shfaqej duke kërcyer në mënyrë sensuale me partnerin e saj. Të përqafuar dhe me sytë që iu shkëlqenin dyshja dukeshin shumë të lumtur krah njëri-tjetrit. Kujtojmë që vetëm në vetëm dy vite më parë Angela dhe Dragos u bënë prindër për herë të parë së bashku, ndërsa sollën në jetë një djalë përmes një nëne surrogate.