Të shtënat me armë zjarri/ Identifikohen dy të dyshuar, njëri në pranga, tjetri…

Detaje të reja janë zbardhur në lidhje me të shtënat me armë zjarri në Prishtinë. Mësohet se dy personat e dyshuar si autorë janë identifikuar, njëri prej të cilëve tashmë është arrestuar.

Gjithashtu i dyshuari tjetër është në kërkim nga policia. Po ashtu është sekuestruar edhe një makinë që dyshohet se është përdorur nga autorët.

“Ndërlidhur me rastin e mësipërm , veprimet e shpejta operativo hetimore të policisë kanë rezultuar me identifikimin e dy personave të dyshuar të përfshirë në rast. Pak kohë pas ngjarjes njëri nga ta është arrestuar nga ana e policisë, ndërkaq tjetri është ende në arrati. Po ashtu është identifikuar edhe një veturë e përfshirë e cila është sekuestruar nga policia,” thuhet në njoftimin e policisë.