Connect with us

Bota

“Teherani do të digjet”, paralajmërimi i Izraelit pas sulmeve me raketa! Irani kërcënon bazat rajonale të Mbretërisë së Bashkuar, SHBA-së dhe Francës

Ministri i Mbrojtjes së Izraelit, Israel Katz paralajmëroi udhëheqësin suprem të Iranit, Ajatollah Ali Khamenei, se “Teherani do të digjet” nëse vazhdon të qëllojë me raketa civilët izraelitë.

“Diktatori iranian po i merr peng qytetarët e Iranit , duke sjellë një realitet në të cilin ata, dhe veçanërisht banorët e Teheranit, do të paguajnë një çmim të rëndë për dëmin flagrant që u është shkaktuar qytetarëve të Izraelit. Nëse Khamenei vazhdon të qëllojë me raketa në frontin e brendshëm izraelit, Teherani do të digjet”, tha Katz në një deklaratë sipas The Guardian.

Kjo vjen pasi Irani kërcënoi bazat perëndimore në rajon.

Vazhdimi i bisedimeve bërthamore Iran-SHBA është i pajustifikueshëm për sa kohë që sulmet “barbare” izraelite vazhdojnë ndaj vendit, citoi media shtetërore iraniane të shtunën ministrin e jashtëm iranian Abbas Araqchi .

Të premten, zëdhënësi i ministrisë së jashtme të Iranit, Esmaeil Baghaei, tha se dialogu me SHBA-në mbi programin bërthamor të Teheranit është “i pakuptimtë” pas sulmit më të madh ushtarak të Izraelit kundër Iranit , duke akuzuar Uashingtonin për mbështetjen e sulmit.

Nga ana tjetër, sulmi me raketa iraniane plagosi shtatë ushtarë në Izraelin qendror gjatë natës, tha një zëdhënës ushtarak të shtunën, një nga disa breshëritë e nisura në përgjigje të sulmit të Izraelit ndaj lokacioneve ushtarake dhe bërthamore.

“Shtatë … ushtarë u plagosën lehtë mbrëmë, si pasojë e një rakete iraniane që goditi Izraelin qendror”, tha zëdhënësi, sipas Agence France-Presse (AFP).

 

topchannel.al

 

 

Related Topics:
Advertisement