Telefoni mbetet i fikur/ U zhduk pas ndarjes me të dashurin, mister fati i 22-vjeçares shqiptare

Prej një jave nuk ka asnjë lajm për Ilaria Sulën, 22-vjeçaren shqiptare e cila studion në Fakultetin e Statistikave në Universitetin Sapienza.

Studentja shqiptare u zhduk më 25 mars nga zona Furio Camillo ku jetonte në një apartament që ndante me disa shoqe.

Familjarët janë shprehur shumë të shqetësuar mbi fatin e 22-vjeçares, të cilët kanë bërë denoncim për zhdukjen e saj në stacionin e policisë në San Lorenzo, e cila ka nisur hetimet.

Nuk përjashtohet mundësia që e reja të jetë nisur drejt itinerarit Romë-Napoli. Ndër hipotezat për të shpjeguar zhdukjen e saj është se vajza u largua pas ndarjes me të dashurin.