Tentoi të përdhunonte të moshuarën, arrestohet 66-vjeçari shqiptar

Është identifikuar autori i sulmit seksual ndaj një pensionisteje në Westend të Gjermanisë në janar të vitit 2022.

Autori u identifikua u arrestua në Munih, falë një kamere interneti në banesën e viktimës.

Siç raporton policia, shtetases së moshuar i është afruar në rrugë një person i panjohur më datë 13.01.2022. Me një justifikim ka arritur të bindë gruan që ta çojë në banesën e saj, ku të dy kanë biseduar fillimisht.

Por papritmas burri ka përfitar nga pafuqia e viktimës së tij të moshuar, e ka kapur të moshuarën nga krahët dhe këmbët dhe gjithashtu ka kërkuar marrëdhënie seksuale. Vetëm kur një i afërm i ka rënë ziles, i panjohuri e ka lëshuar viktimën, ka marrë njërën nga orët e dorës të 80-vjeçares dhe më pas është larguar pa u njohur.
Familjarët e viktimës kanë lajmëruar policinë, por kërkimi i nisur menjëherë ditën e krimit rezultoi i pasuksesshëm.

Ajo që autori nuk e dinte ishte se fëmijët e të moshuarës kishin instaluar një kamerë në banesën e të moshuarës për arsye sigurie për të parë nëse nëna e tyre ishte mirë në jetën e përditshme. Këtu është regjistruar edhe sulmi seksual ndaj pensionistes, i cili i ka mundësuar policisë të sigurojë një foto të autorit.

Më 12 shtator 2023, 20 muaj pas krimit, një oficer policie i Munihut mundi të identifikonte të dyshuarin në Schëabing, i cili më pas u arrestua.

Burri është një shqiptar 66-vjeçar pa vendbanim të përhershëm në Gjermani. Meqenëse krimi ishte një vepër seksuale, burri tani ndodhet në paraburgim.