Tërmeti/ Mbi 40 mijë viktima, por ka ende të gjallë nën rrënoja

Sot, një javë nga tërmeti raportohet një rritje e numrit të viktimave pasi sipas rapotimeve të deritanishme janë mbi 40 mijë viktima në të gjithë Turqinë dhe Sirinë. Presidenti i Turqisë tha se do të përdorte fuqitë emergjente për të ndëshkuar këdo që shkel ligjin. Një zëdhënës i ushtrisë austriake tha se përleshjet midis grupeve të paidentifikuara në provincën Hatay kishin lënë dhjetëra personel nga Njësia e Ndihmës ndaj Fatkeqësive të Forcave Austriake që kërkonin strehim në një kamp bazë me organizata të tjera ndërkombëtare. Shefja e Komisionit Evropian Ursula von der Leyen ka premtuar të forcojë ndihmën për Turqinë ndërsa vendi po përballet me pasojat e tërmetit shkatërrues të së hënës së kaluar. Në një telefonatë të dielën, Von der Leyen i tha presidentit turk Rexhep Tajip Erdogan se “Komisioni do të mobilizojë mbështetje shtesë dhe do t’i përgjigjet kërkesës së fundit të Turqisë për më shumë kapacitet strehimi – në veçanti tenda, batanije, ngrohës”, sipas një leximi të thirrjes nga BE. BE shpreson të mbledhë fonde shtesë për Turqinë dhe Sirinë gjatë një konference donatorësh që do të mbahet në Bruksel në mars.

Lajm në përditësim…

Tërmeti në Turqi, nxirret nga rrënojat pas 167 orësh i mbijetuari! Punonjësit e shpëtimit garojnë me kohën

Një javë pas tërmetit shkatërrues që goditi Turqinë, ekipet janë ende duke nxituar për të shpëtuar viktimat që mund të jenë gjallë nën rrënoja – edhe pse agjencitë e ndihmës dhe autoritetet paralajmëruan se shanset për të gjetur të mbijetuar po bëhen gjithnjë e më të pamundura.

Pas 167 orësh, një burrë u shpëtua nga mbeturinat në Antakya, në provincën Hatay të Turqisë jugore, tregon video nga dega e CNN, CNN Turk. Burri shihet duke u ngritur nga punonjësit e shpëtimit, të cilët më pas i përqafon dhe u kap duart.

Turqi/ Ende shpresë për të gjetur të mbijetuarit nën rrënoja, foshnja 7 muajshe shpëtohet pas 139 orësh(VIDEO)

Ende ka shpresë për të nxjerrë të mbijetuarit nga tërmeti tragjik në Turqi e Siri, paçka se shanset janë të pakta. Një foshnjë shtatë muajshe është shpëtuar nga rrënojat në  një ndërtese të shembur në Turqi. Hamza ishte nën rrënoja për mbi 139 orë. Dëgjohen duartrokitje dhe brohoritje ndërsa foshnja tërhiqet nga rrënojat.

Ora 09:23

I mbijetuari nxirret nga rrënojat 167 orë pas tërmetit që goditi Turqinë, punonjësit e shpëtimit garojnë me kohën

Pas 167 orësh, një burrë u shpëtua nga rrënojat në Antakya, në provincën Hatay të Turqisë jugore. Burri shihet duke u ngritur nga punonjësit e shpëtimit, të cilët më pas i përqafon.Një javë pas tërmetit shkatërrues që goditi Turqinë, ekipet janë ende duke nxituar për të shpëtuar viktimat që mund të jenë gjallë nën rrënoja, edhe se agjencitë e ndihmës dhe autoritetet paralajmëruan se shanset për të gjetur të mbijetuar po bëhen gjithnjë e më të pamundura.

Më herët të dielën, një grua 55-vjeçare u nxor nga rrënojat pas 159 orësh varrosje, ndërsa një grua 85-vjeçare u shpëtua pas 152 orësh e bllokuar në atë që nipi i saj e përshkroi si një zgavër rreth 30-40 centimetra i gjerë, sipas CNN.

Dy persona, një burrë 25-vjeçar sirian dhe një fëmijë u shpëtuan gjithashtu në Hatay.  Burri u shpëtua pasi ekipet e shpëtimit dëgjuan zhurma poshtë rrënojave.

Të paktën 41 persona u shpëtuan nga nën rrënojat në Turqi ditën e djeshme sipas mediave të huaja.

Mbi 40 mijë viktima nga tërmeti tragik në Turqi e Siri, pakistanezi dhuron 30 milion dollarë për të mbijetuarit

Një burrë nga Pakistani, i cili ka zgjedhur të qëndroj anonim ka dhuruar 30 milion dollarë për të ndihmuar të mbijetuarit nga tërmeti tragjik në Turqi e Siri, i cili deri më tani numëron mbi 34 mijë viktima. Ai jeton në Shtetet e Bashkuara të Amerikës dhe vendosi të shkojë në ambasadën turke në SHBA për të kryer një akt human shumë të rëndësishëm në këtë periudhë të vështirë që po kalojnë dy vendet. Edhe kryeministri i Pakistanit e ka falenderuar publikisht në një postim në Tëitter ku shkruan se është mirënjohës që ka ende njerëz që bëjnë akte kaq të lavdishme.

“Thellësisht i prekur nga shembulli i një pakistanezi anonim, i cili hyri në ambasadën turke në SHBA dhe dhuroi 30 milionë dollarë për viktimat e tërmetit në Turqi dhe Siri. Këto janë akte kaq të lavdishme filantropie që i mundësojnë njerëzimit të triumfojnë mbi gjëra që duken të pamundura”, shkroi kryeministri në Twitter.