Bota
Tërmeti shkatërrimtar/ Mbi 8 mijë të vdekur
Numri i viktimave të tërmetit shkatërrimtar që goditi Turqinë dhe Sirinë është më shumë se 8 mijë persona. Bilanci i ri është hartuar në bazë të informacionit të shpërndarë nga burime zyrtare dhe mjekësore. Për të qenë të saktë, të vdekurit janë aktualisht 8,300, nga të cilët 2,400 në veri të Sirisë. Dhjetëra mijëra të plagosur. Por llogaritja nuk është aspak përfundimtare, sepse në të dyja vendet ka ende shumë njerëz të bllokuar nën rrënojat e mijëra ndërtesave që ranë për shkak të magnitudës 7.9 ballë të tërmetit. Pas tërmetit që zgjati më shumë se dy minuta, Turqia është goditur edhe nga tërmete të tjera të fuqishme. Në Turqi, rreth 3,000 ndërtesa janë shembur në shtatë provinca të ndryshme, duke prekur kryesisht qytetet Adana, Gaziantep, Sanliurfa, Diyarbakir, Iskenderun dhe Adiyaman. Në Siri, vendet arkeologjike janë dëmtuar dhe në veçanti mbetjet e Aleppos, një vend i trashëgimisë së UNESCO-s që nga viti 2018.
…
Mijëra të vdekur nga tërmeti në Turqi dhe Siri, Blinken: SHBA do të dërgojë ndihma për popullin sirian, jo për Asadin
Shtetet e Bashkuara kanë thënë se po punojnë për të ofruar ndihmë për viktimat e tërmetit në Siri, por nuk duan të bashkëpunojnë me qeverinë në Damask. Washinton është gjithashtu i gatshëm të dërgojë ndihmë të mëtejshme në Turqi, pasi ka dërguar dy ekipe shpëtimi te aleati i saj në NATO.
“Ne kemi partnerë humanitarë të financuar nga SHBA në Siri, të cilët po koordinojnë ndihmën për shpëtimin e jetës,” u tha gazetarëve Sekretari i Shtetit Antony Blinken teksa takoi homologun e tij austriak. “Ne jemi të përkushtuar të ofrojmë ndihmë për të ndihmuar popullin e Sirisë të shërohet nga kjo katastrofë, ashtu siç kemi qenë donatori i tyre më i madh humanitar që nga fillimi i luftës në Siri. Dua të theksoj se këto fonde, natyrisht, shkojnë për popullin sirian. jo ndaj regjimit. Kjo nuk do të ndryshojë.”
Shtetet e Bashkuara e kundërshtuan normalizimin e marrëdhënieve me presidentin sirian Bashar al-Assad ose ndonjë ndihmë të drejtpërdrejtë për rindërtim, duke mbajtur parasysh abuzimet e kryera gjatë luftës brutale civile që zgjati gati 12 vjet. Asadi ka ripushtuar pjesën më të madhe të vendit dhe në vitin e kaluar ka rivendosur marrëdhëniet me kombet e tjera arabe dhe me Turqinë.
Berisha: Merr fund çdo përpjekje për të denigruar familjen shqiptare
Tensione/ Flamurtari humbet në sfidën me Besën, tifozët e zhgënjyer futen në fushë!
Studimi: Çamçakëzi çliron mikroplastikë në gojë
A po e “korporatizon” Donald Trump Amerikën dhe çka e pret Shqipërinë me Kosovën?
Elon Musk shpërthen nga Firenca: Duam tregti të lirë me Europën, jo tarifa “Trump”
“Me ne apo me baltën?”/ Spiropali vë në sprovë elektoratin: Po e çojmë Shqipërinë në BE
Tarifat e SHBA bashkojnë Francën me Anglinë/ Stramer dhe Macron kundër kaosit ekonomik global
