Tra me pagesë në Parkun e Divjakës, banorët përplasen me policinë

DIVJAKË– Disa banorë të Divjakës më mbështetjen edhe të përfaqësuesve të Rithemelimit të PD-së, po protestojnë sërish sot kundër vendosjes së traut në Parkun Kombëtar të Divjakës, aty ku edhe po punohet për vendosjen e biletarisë. Protestuesit janë përplasur me forcat e policisë dhe kanë thyer xhamat e kabinës që pritet të vendoste për të vjelur taksat nga biletat që do të paguhen.

Ministria e Turizmit sqaroi dje se bileta do të kushtojë 50 lekë dhe do të jetë vetëm për turistët dhe jo për banorët e zonës. Sipas ministrisë Mjedisit vendosja e traut do të ofrojë aksesin e kontrolluar në park, përveç sigurimit të të ardhurave që do të ndihmojnë në menaxhimin efektiv e të qëndrueshëm.

Protestuesit e organizuar nga Rithemelimi arritën të shkulin kabinën e vendosur nga Ministria e Turizmit për vjeljen e biletave në Parkun Kombëtar të Divjakës. Kundër hyrjes me pagesë është dhe deputeti socialist Erion Braçe, për të cilin tha se është i paligjshëm dhe arroganca buronte nga Ministria e Mjedisit.

Lajmi është në përditësim…