Tronditet Franca/ Sulm me armë, 2 të vdekur dhe…

Dy persona janë vrarë dhe katër të tjerë janë plagosur pasi një person i armatosur hapi zjarr në Paris.

Një burrë i moshës 69-vjeçare është arrestuar në lidhje me të shtënat në një qendër kulturore lokale kurde, tha departamenti i prokurorisë në kryeqytetin francez.

Motivi i të shtënave nuk ishte i qartë menjëherë.
“Një sulm me armë ka ndodhur. Faleminderit forcave të sigurisë për veprimin e tyre të shpejtë”, shkroi Emmanuel Gregoire, nënkryetari i bashkisë, në Twitter.

“Mendime për viktimat dhe ata që e panë këtë dramë”.

Dy nga katër personat që u plagosën janë në gjendje kritike, tha zyra e prokurorisë.

Policia e Parisit tha se po merrej me një incident në Rue d’Enghien përpara se t’i kërkonte publikut të shmangte zonën dhe oficerët e mbyllën zonën në lagjen e 10-të të kryeqytetit francez.

Prokurorët e Antiterrorizmit thanë se po hetojnë të shtënat, por nuk kanë treguar ndonjë shenjë të një motivi terrorist.

https://twitter.com/Alkan_Yusuf_/status/1606247480152162305?ref_src=twsrc%5Etfw%7Ctwcamp%5Etweetembed%7Ctwterm%5E1606247480152162305%7Ctwgr%5Ec7cee78d02425fd73ca147abf1f5160b9b61df8f%7Ctwcon%5Es1_&ref_url=https%3A%2F%2Fwww.balkanweb.com%2Fsulmi-me-arme-ne-paris-ne-qendren-lokale-kurde-bllokohet-zona-cfare-dihet-per-autorin%2F

Një dëshmitar i tha agjencisë franceze të lajmeve AFP se shtatë ose tetë të shtëna ishin qëlluar, duke shkaktuar kaos në rrugë.

Menjëherë pas incidentit, ministri i Brendshëm francez Gerald Darmanin tha se do të udhëtonte për në Paris dhe do të vizitonte skenën e të shtënave “dramatike”, dhe gjithashtu konfirmoi se i dyshuari ishte arrestuar nga policia.

Ndërkohë, kryebashkiaku lokal i Parisit tha se një hetim mbi motivet e personit të armatosur vazhdon. Ai gjithashtu konfirmoi se të shtënat kishin ndodhur në qendrën lokale kurde.