Trump e quajti paradën në Kinë një komplot kundër SHBA/ Reagon Putin: Ke shumë humor

Presidenti rus Vladimir Putin ka komentuar reagimin e presidentit amerikan Donald Trump, pasi ky i fundit u shpreh se homologu i tij kinez Xi Jinping po konspironte së bashku me liderin rus dhe Kim Jong-Un kundër SHBA-ve.

I pyetur për komentin, Putin tha se Trump ka një “sens të mirë humori” dhe se askush në Kinë nuk ka folur për presidentin amerikan pas shpine këtë javë.

“Askush nuk tha asgjë negative në lidhje me administratën aktuale të SHBA-së”, thotë ai.

“Të gjithë ata që takova mbështetën takimin tonë në Anchorage dhe shprehën shpresën e tyre se qëndrimi i Trump do të çonte në fund të konfliktit ushtarak, kështu që nuk ka ironi apo shaka.”

I pyetur nëse planifikonte ta priste Donald Trumpin në Moskë në të ardhmen e afërt, Putin tha se nuk ka planifikuar asnjë takim, por “ftesa është në tavolinë”.