U arrestua në Gramsh/ 33-vjeçarja ruse nuk pranon të ekstradohet

Gjytkata e Elbasanit ka marrë vendimin për të mos e ekstraduar Svetlana Timofeeva, rusen që u arrestua në uzinën e Gramshit. Vendimi është marrë në seancën e sotme, por pritet të shpallet më 14 prill. Më herët, prokuroria e Elbasanit i kërkoi gjykatës të procedojë me ekstradimin në Rusi të blogeres Svetlana Timofeeva. Në parashtrimet e depozituara me shkrim në gjykatë nga prokurori Mustafa Turku, që u lexuan në seancën e 17 marsit, prokuroria mbrojti kërkesën e Rusisë për ta ekstraduar Timofeevën, të cilën Moska e akuzon për “marrje të paligjshme të informacionit sekret shtetëror”.

Mikhail Zorin, Svetlana Timofeeva dhe ukrainasi Fiodor Mihailoviç u arrestuan nga policia pasi po fotografonin ambientet në Uzinën e Armëve në Gramsh. Ata tentuan që të futen në ambientet e brendshme të uzinës, por u diktuan nga ushtarët shqiptarë të cilët u bënë shenjë që të ndalojnë. Gjatë ndalimit të tyre mbetën të plagosur dy ushtarët shqiptarë.

Gjatë procesit të hetimeve, Rusia lëshoi një fletëarresti për rusen, por Svetlana Timofeeva kërkoi nga drejtësia shqiptare që të mos lejojë ekstradimin e saj drejt Moskës, me pretendimin se atje i rrezikohetj jeta.