‘Ujku mjegull do’, Wolves mposhtin 2-0 Man. United! ‘Djajtë’ në krizë

Në “Molineux” skuadra e Wolves fitoi 2-0 kundër Manchester United. “Djajtë e Kuq” të Amorin janë në krizë dhe pësojnë dy humbje radhazi për t’u renditur në pozitën e 15-të. Deçizive minuta e 47-të, aty ku Bruno la miqtë me një lojtar më pak pas daljes jashtë loje me dy kartona të verdhë. Epërsia numerike bëri që “Ujqërit” të shënonin me Cunha dhe Hee-Chan për të bërë surprizën e madhe nën mjegullën e stadiumit.

Liverpool marshon drejt trofeut, përmbys 3-1 Leicesterin

Në “Anfield” skuadra e Liverpool përmbysi 3-1 Leicesterin dhe shkëputet në krye të Premier League. Ayeu shënoi për “Dhelprat” pas vetëm gjashtë minutave lojë, por Cody Gakpo në fundin e pjesës së parë barazoi për të kuqtë 1-1. Në fraksionin e dytë Jones dhe Salah shënuan edhe dy herë për Liverpool, që pas këtij suksesi prin Premier League me 42 pikë, tetë pikë më shumë se Chelsea ndjekës dhe me një ndeshje më shumë për të zhvilluar.