Ukraina nis sulmin më të madh në bazat ajrore, Zelensky: Nuk do të ndalemi në Kursk

Ukraina ka nisur sulmin më të madh në bazat ajrore ruse që nga fillimi i luftës.

Fushat ajrore të Voronezh, Kursk, Savasleyka dhe Borisoglebsk u goditën.

Burimet i thanë “RBC-Ukraine” se dronët me rreze të gjatë goditën fushat ajrore për të parandaluar armikun që t’i përdorte ato për të lëshuar raketa anti-ajrore në vijën e frontit dhe në qytetet e Ukrainës.

“Shërbimi i Sigurisë së Ukrainës (SBU) vazhdon të dobësojë metodikisht komponentin ajror të makinës ushtarake ruse. Janë avionët që vazhdojnë t’i japin armikut epërsi ajrore, por ne do të vazhdojmë t’u presim krahët këtyre ‘zogjve’”, shtoi burimi.

Ndërkaq presidenti i Ukrainës, Volodymyr Zelensky, theksoi se forcat ukrainase “po bëjnë përparim të mëtejshëm” në rajonin e Kurskut të Rusisë.

Kjo “në rendin prej një deri në dy kilometra përpara në zona të ndryshme sesa sot në mëngjes”.

Ai shtoi se “mbi 100 ushtarë rusë janë kapur të burgosur. Kjo do të përshpejtojë kthimin e djemve tanë në shtëpi”.