Ushtroi dhunë fizike ndaj nënës së tij, arrestohet 32-vjeçari

Arrestohet një person dhe shpallet në kërkim në tjetër. Mësohet se është arrestuar në Lushnjë 32-vjeçari D.Q, pasi ka dhunuar fizikisht nënën e tij.

Shpallet në kërkim 27-vjeçari B.D pasi ka vjedhur disa pajisje elektrike në një banesë. Me rastet do të merret Prokuroria Fier.

Njoftimi i Policisë:

Drejtoria Vendore e Policisë Fier

Komisariati i Policisë Lushnjë arrestoi shtetasin D. Q., 32 vjeç, banues në fshatin Allkaj, pasi ka ushtruar dhunë ndaj nënës së tij.

Stacioni i Policisë Roskovec shpalli në kërkim shtetasin B. D., 27 vjeç, banues në Roskovec, pasi dyshohet se ka vjedhur disa pajisje elektrike, në banesën e shtetasit G.S.

Materialet procedurale i kaluan Prokurorisë, për veprime të mëtejshme.