‘Vajza e Akullt’ Susie Wiles, fiton betejën e parë me Elon Musk, ja çfarë i ka kufizuar ajo miliarderit

“Vajza e akullit” në zemër të administratës Trump e ka fituar betejën e saj të parë të madhe këtë javë – duke i mohuar Elon Musk një zyrë të përhershme në Krahun Perëndimor të Shtëpisë së Bardhë.

Susie Wiles, një veterane politike në Florida dhe e para grua shefe e stafit, e mori pseudonimin e saj nga presidenti Trump për profesionalizmin e qetë që ajo solli në fushatën e tij zgjedhore.

Vëzhguesit e quajnë punën e saj “më të vështirën në Amerikë”: Ajo duhet të vendosë rregullat në Shtëpinë e Bardhë të Trump, të kontrollojë qasjen te presidenti për ta mbajtur atë të fokusuar, të menaxhojë stafin e lartë dhe të ndërlidhet me Kongresin për të çuar përpara agjendën e tij legjislative.

Wiles, 67-vjeçe, nuk humbi kohë duke e bërë të qartë se “kushdo që nuk do të jetë bashkëpunues dhe i fokusuar në qëllimet tona të përbashkëta, nuk po punon në krahun perëndimor”.

Ajo ka paralajmëruar se nuk i mirëpret “njerëzit që duan të punojnë vetëm ose të jenë yll”.

Kjo do të thoshte se ajo u përball me një sfidë të hershme për të qetësuar bisedat për Musk si një “bashkëpresident” ose “zëvendëspresident i vërtetë” në vend të JD Vance, duke pasur parasysh tendencën e sipërmarrësit për të kapur titujt dhe për të promovuar agjendën dhe aleatët e tij.

Musk, 53 vjeç, ka një rol kyç në mandatin e dytë të Trump si kreu i Departamentit të ri të Eficencës Qeveritare për uljen e kostove (Doge) dhe thuhet se ka qenë duke kërkuar zyrën e tij brenda oborreve të Zyrës Ovale.

Ekipi i lartë drejtues i Musk do të vendoset në ndërtesën e zyrës ekzekutive të Eisenhower, e cila është në mjediset e Shtëpisë së Bardhë, por larg një rruge nga kompleksi kryesor.