VARJANI MACES TE BISHTI/ Vuçiç betohet me jetën e tij, ja çfarë deklaroi

“Derisa unë të jem president, Serbia nuk do ta njohë pavarësinë e Kosovës dhe do të jetë ushtarakisht neutrale” – Kjo ishte deklarata e fortë që presidenti serb Aleksandër Vuçiç bëri së fundmi

Duke komentuar një “non-pejper“ të cilën e ka shfaqur gazeta “Slobodna Bosna”, ku thuhej se në pranverë apo deri në verë të vitit të ardhshëm do të mbahet konferenca për vendet ballkanike në të cilën Serbia dhe Kosova detyrohen të njohin njëra-tjetrën si dhe ku do të prezantohet kandidatura e përbashkët me Bosnjën dhe Hercegovinën për tu anëtarësuar në NATO, presidenti serb tha se “nuk është problem që dakordësohen, por janë edhe tre karta shtesë”.

“Derisa unë të jem president, Serbia nuk do t’a njohë pavarësinë e Kosovës. Deri sa unë të jem president, Serbia do të jetë ushtarakisht neutrale dhe kujtohuni se president i Serbisë do të jem edhe për 2 vite e disa muaj. Gjatë kësaj kohe ato konferenca botërore, të botës së bardhë dhe çuditë e tjera te tyre, le t’ia varin ‘maces tek bishti’” – theksoi  Vuçiç.

Duke folur gjithashtu rrth pritshmerive negative qe Serbia te mos arrije marrëveshje rreth çeljes së kapitullit të tretë në negociatat me Bashkimin Europian, Vuçiç kujtoi se duhen ende disa dite nga vendimi perfundimtar.

tha se ngelet që rreth kësaj teme të bisedohet në javët e ardhshme.

“Lë te shikojmë, kemi edhe disa ditë. Nëse duan – duan, nëse nuk duan – nuk duan, u faleminderit ne te dyja rastet” – deklaroi Vuçiç.

Ndërkohë, “kërkesat” nga opozita që Vojvodina të jetë e pavarur, presidenti serb i vlerësoi si “ide të çmendura dhe të pakuptimta”.

“E di që ata kanë ëndrra të ndryshme, por prej tyre nuk del asgjë, mbeten endrra. Vojvodina është pjesë e Serbisë. Është qesharake për mua për ta komentuar këtë”, theksoi presidenti serb.