Varrimihësi i diplomacisë Kosovë-Serbi ka dy fjalë me opozitën, Lajçak kundër parrullave boshe

Emisari Special i Bashkimit Evropian (BE) për dialogun Kosovë-Serbi, Mirosllav Lajçak, akuzoi partitë opozitare, mediat dhe shoqërinë civile në Prishtinë e Beograd se në vend qe t’e përgëzojnë kryeministrin kosovar dhe presidentin serb – Albin Kurti dhe Aleksandër Vuçiç – për marrëveshjen e arritur vitin e kaluar, ata u kritikuan ashpër në të dyja anët e kufirit.

Kryeministri i Kosovës dhe Presidenti i Serbisë pranuan një marrëveshje për normalizimin e marrëdhënieve më 27 shkurt 2023 në Bruksel të Belgjikës, pastaj arritën një marrëveshje për planin e sekuncimit një muaj më vonë në Ohër të Maqedonisë së Veriut. Megjithatë, disa pjesë të marrëveshjes kanë gjetur zbatim, shumë të tjera akoma jo.

“Dy liderët nuk u përshëndetën në mënyrë pozitive kur u kthyen nga Ohri. Askush nuk ka thënë se marreveshja është e mirë për ne. Kjo është e mirë për Kosovën. Kjo është e mirë për Serbinë. Ky është një hap i rëndësishëm drejt normalizimit. E këtu përfshihet opozita, mediat dhe shoqëria civile. Nuk kam vënë re një zë në mbështetje te gjithckaje”- deklaroi Lajçaku në një intervistë për platformën Sbunker duke shtuar se normalizimi nuk është për liderët aktualë politikë – sigurisht, ata e kanë mandatin – por duhet të jetë një çështje e shoqërive.

Marrëveshja e Brukselit/Ohrit ofron njohje reciproke të dokumenteve dhe simboleve kombëtare. Dy fqinjë armiqësorë që assesi të dalin nga konflikti, do të shkëmbejnë misione të përhershme dhe nuk do ta bllokojnë rrugën e njëra-tjetrës drejt integrimeve evropiane. Serbia, po ashtu, u zotua se nuk do ta kundërshtojë anëtarësimin e Kosovës në asnjë organizatë ndërkombëtare…………………