Vdekja e 20-vjeçarit/ Policia: Dyshohet se u qëllua nga i vëllai ose nga…

Mediat italiane ngrenë dyshime të reja në lidhje me vdekjen e një 20-vjeçari shqiptar. Ajo çfarë është mister lidhet me faktin nëse është vrarë nga një armë zjarri nga vëllai i tij, apo është ngjarje aksidentale.

Si vdiq Enrico Aliaj? 20-vjeçari shqiptar, u qëllua me plumb në kokë mbrëmjen e djeshme. Prokuroria Publike e Piacenza ka hapur dosjen e vrasjes në lidhje me vdekjen e djalit, i cili humbi jetën brenda një shtëpie në Ponte dell’Olio, në provincën e Piacenza.

I dyshuari kryesor është vëllai i viktimës, 18-vjeç, i cili jetonte me të së bashku me prindërit dhe një motër më të vogël. Megjithatë dinamika e ngjarjeve të ndodhura brenda banesës është ende larg të qenit e qartë, pasi nuk përjashtohet që të ketë qenë “vrasje me dashje”, por edhe aksidentale, raporton Leggo.

Brenda në shtëpi në atë moment, përveç viktimës dhe vëllait të tij, ndodhej edhe një person i tretë, mik i dy të rinjve, i cili fillimisht ishte larguar por më pas është identifikuar nga karabinierët e Piacenza-s që kanë rastin në dorë.

Ndërkohë, prokurori i Piacenzës ka urdhëruar një sërë hetimesh të mëtejshme, përfshirë autopsinë e trupit të 20-vjeçarit, ndërsa karabinierët po punojnë për disa dëshmi të miqve dhe fqinjëve, si dhe për origjinën e armës e cila u gjet më pas.