Vendi do goditet nga stuhi shiu

Reshje intensive të shiut priten në vendin tonë përgjatë kësaj jave, duke rikthyer rrezikun për përmbytje. Ministri i Mbrojtjes Niko Peleshi, në një dalje për mediat, njoftoi se reshjet e shiut dhe te bores, në disa zona do të vazhdojnë deri në 21 janar.

Sasia më e madhe e reshjeve është regjistruar në Alpet Shqiptare, duke arritur në 120 mm në Theth dhe Valbonë. Këtë të martë priten reshje shumë intensive në qarqet Shkodër dhe Kukës, reshje intensive në Dibër dhe Lezhë dhe mesatare në qarqet e tjera të vendit.

Ndërkohë, sipas MeteoAlb, gjysma e parë e kësaj jave do të shoqërohet me rrebeshe shiu në të gjithë territorin, ndërsa gjatë pjesës së dytë të javës do të ketë më pas reshje shiu, më shumë reshje bore shoqëruar me rënie temperaturash.