VIDEO: Braçe nxjerr pamjet brenda sallës, Berisha i vetëm ndërsa vërsul deputetët të rrëmbejnë karriget e ministrave

Deputeti socialist Erion Braçe ka nxjerrë pamjet nga brenda sallës së Kuvendit, ku deputetët e grupimit Berisha-Bardhi kanë rrëmbyer karriget e ministrave, për t’u ulur vetë aty. Në video shihet Berisha që qendron i vetëm në vendin e tij, ndërsa ka lëshuar deputetët e vet për të rrëmbyer karriget. “Duhet ta meritosh atë karrige”, dëgjohet ndërkohë kryetarja e Kuvendit, t’i drejtohet një deputeti demokrat që ka rrëmbyer karrigen e ministrit, për t’u ulur vetë. “Protestë kundër Amerikës, Evropës, Perëndimit! Për një njeri, këtë Salih Berishën; O njihni këtë, o s’ka. O hiqini këtij statusin non grata, o s’ka”, shkruan Braçe, ndërsa ka nxjerrë pamjet nga brenda sallës së Kuvendit.

Erion Braçe ka komentuar situatën në Kuvend, pas bllokimit të senacës si pasojë e kaosit të krijuar nga opozita. Braçe tha se deputetët e PD-së këkrojnë që mazhoranca të njohë si kryetar Sali Berishën. “Kanë 33 vjet bëjnë të njëjtën gjë, protestojnë që Amerika të ndryshojë statusin për Saliun, Europa ta pranojë Saliun dhe ne të njohim për kryetar pd. Ne s njohim asnjërin prej tyre se s’na intereson. Këta të Lulit s’kanë ardhur, këta kanë ardhur dhe kanë zënë dyert. Brenda partisë tyre j’ua morën partinë, këtu do përjashtohen një nga një, që të vazhdojë procesi normalisht. Ata s’duan karrige deputeti, ata duan karrige qeverie, pa pushtet as s’ekzistojnë, siç nuk ekzistojnë. Karriget e deputetëve i kanë lënë, kanë marrë karriget e ministrave. Ato merren me votë, s janë në gjendje ti marrin me votë. U njoftuan aty, që ata deputetë që janë agresivë, është një Abana Vokshi, e tmerrshme, ka hip aty ku rri kryetarja e Kuvendit dhe nuk e lëshon.Na kërkojnë ne që të njohim Sali Berishën si kryetar PD-je.”