Një aksident në një teleferik në vendpushimin e skive të Astun, në anën spanjolle të Pirenejve, la pasditen e sotme dhjetë të plagosur, dy prej tyre në gjendje të rëndë
Sipas vlerësimit të fundit të hartuar nga autoritetet, numri i të plagosurve është më i ulët se sa ishte parashikuar fillimisht.
Fillimisht, në fakt, doli një raportim që vlerësonte numrin e të plagosurve në gati 50, 17 prej tyre në gjendje të rëndë.
Guardia Civil raportoi se një kabinë u shkëput nga struktura mbështetëse e ashensorit në një lartësi prej 15 metrash.
Detajet e aksidentit nuk dihen ende, por qeveria lokale e Aragonit me anë të një njoftimi ka bërë të ditur se defekti ka ndodhur në një nga rrotullat e teleferikut, që ka sjellë më pas edhe aksidentin.
