VIDEO/ I kërkuan të gjuante penalltinë, ja si reagoi Pique

Barcelona triumfoi me rezultatin 2-0 ndaj Almerias në ndeshjen e vlefshme për javën e 13-të të La Ligas, teksa katalanasit mund të kishin kaluar epërsi që në minutën e 7-të.

Barcelona fitoi një penallti dhe i gjithë “Camp Nou” kërkoi që Pike ta ekzekutonte atë në ndeshjen e fundit të karrierës.

Megjithatë, 35-vjeçari refuzoi të gjuante dhe drejtoi gishtin nga Levandovski, i cili po ashtu i kërkoi mbrojtësit të gjuante. Gjithsesi penallti u gjuajt nga sulmuesi polak që gaboi duke shpërdoruar.