Video/ Makinë me xhama të zinj, Havier Dobi u gjobit me…

Havier Dobi, djali i pastrueses Rozeta Dobi, që kreu mega vjedhjen te banesa e ish-shefja e Kabinetit të ish-ministrit të Rindërtimit, Arben Ahmetaj, Alda Klosi është gjobitur pak ditë para vjedhjes. Në videon e siguruar ekskluzivisht nga NTV.al, shihet makina me të cilën udhëtoi i riu mbrëmjen e datës 3 janar, ku dhe është gjobitur.

Po ashtu në kuponin e lëshuar nga policia, për gobën e Havierit, thuhet se Havieri po udhëtonte pa vendosur rripin e sigurimit, me xhamat e para komplet të errëta si dhe pa vendosur targën në vendin e duhur.

Fatura

Ngjarja ndodhi dy ditë më parë u zbulua një megavjedhje ku Rozeta Dobi, pastruese bashkë me të birin, Havierin vunë në shënjestër dhe vodhën mbi 540 mijë euro, plus një sasi të konsiderueshme florinjsh dhe sendesh me vlerë. Banesa që solli zbulimin e dyshes ishte ajo e këshilltares në Kryeministri, Alda Klosi, njëherazi ish-shefe e Kabinetit të ish-ministrit të Rindërtimit, Arben Ahmetaj. Ata vodhën te shtëpia e Klosit 120 mijë euro lekë dhe florinj. Por kjo vjedhje ka shërbyer si një shkëndijë për një tjetër çështje. Atë të burimit të parave të vjedhura. Në dëshminë e saj për mediat, Klosi thotë se paratë i kishte mbledhur për kurimin e xhaxhait ndërsa për to nuk ka asnjë faturë.