VIDEO/ Merr flakë mjeti tip ‘Benz’ në mes të Tiranës

Një mjet është shkrumbuar nga flakët ditën e sotme në kryeqytet. ‘Ntv.al’ sjell pamjet nga momenti i zjarrit që përfshiu mjetin tip ‘Benz’. Sipas autoriteteve, ngjarja ndodhi në rrugën e ‘Dibrës’ në Tiranë. Për ironi të fatit, drejtuesi i mjetit me inicialet E.LL, e kishte blerë sot mjetin nga një koncensionar automjetesh, por si pasojë e një defekti, ai mori flakë.Si pasojë e zjarrit ka vetëm dëme materiale dhe paraprakisht dyshohet se zjarri në mjet ka rënë aksidentalisht. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.

NJOFTIMI I POLICISË:

Me datë 31.03.2023, në Rrugën e Dibrës, ka marrë flakë në lëvizje e sipër dhe është djegur automjeti tip “Benz”, me drejtues shtetasin E. Ll. Automjeti është blerë ditën e sotme nga një koncensionar automjetesh dhe drejtuesi i tij po qarkullonte me targa provizore. Si pasojë e zjarrit ka vetëm dëme materiale dhe paraprakisht dyshohet se zjarri në mjet ka rënë aksidentalisht. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.