VIDEO/ Panik në Disneyland, përfshihet nga flakët…

Një ngjarje e rëndë u shkaktua mbrëmjen e së shtunës në Disneyland në Kaliforni kur një strukturë dragoi, rreth 14 metra e lartë, mori flakë gjatë një shfaqjeje.

Zjarri ka rënë gjatë shfaqjes së titulluar “Fantasmic!”, ndërsa videot e publikuara në rrjetet sociale tregonin se koka e dragoit “Maleficent” ishte përfshirë nga flakët teksa shfaqja ishte në zhvillim e sipër.

Një re e zezë tymi u pa duke mbuluar të gjithë parkun tematik prej 100 hektarësh.

Shfaqja – natyrisht – u ndërpre papritur pasi të ftuarit dhe anëtarët e stafit të Disneyland u nxorrën nga skena ndërsa personeli i urgjencës punoi për të shuar zjarrin.