Fermerët francezë kanë hyrë në një panair të madh të fermave në Paris të shtunën përpara një vizite të presidentit Emmanuel Macron ku përfunduan duke u përleshur me policinë. Ata vijojnë protestat e tyre ndaj rregulloreve kufizuese mjedisore të BE-së, si dhe rritjes së kostove dhe taksave.
Videot e shpërndara në rrjetet sociale tregojnë fermerët duke brohoritur: “Macron, dorëhiqu!” ndërsa ata tentojnë të kalojnë linjat e policisë brenda panairit. “Kjo është shtëpia jonë!” ata u dëgjuan gjithashtu duke bërtitur ndërsa po përballeshin me autoritetet.
Është e paqartë nëse dikush është lënduar nga përplasja. Sipas Reuters, të paktën një person u arrestua pas përleshjeve. Policia franceze deri më tani nuk ka komentuar mbi zhvillimet. Incidenti ndodhi përpara një vizite të planifikuar në panair nga presidenti francez Emmanuel Macron.
