Vinte nga SHBA, arrestohet me armë me vete dhe fishekë në valixhe në aeroportin e Rinasit 51-vjeçari

Një 51-vjeçar është arrestuar nga policia e kufitare në Rinas, pasi është kapur me armë zjarri pistoletë dhe municion luftarak me vete. Policia njofton se kanë kaluar për kontroll më të imtësishëm, valixhen e shtetasit Renato Hajmeli, i cili ishte nisur nga SHBA për në Shqipëri.

Gjatë kontrollit në valixhen e këtij shtetasi, kanë gjetur dhe sekuestruar në cilësinë e provës materiale një armë zjarri pistoletë dhe 125 fishekë. Në vijim të veprimeve, nga specialistët për Hetimin e Krimeve në Komisariatin e Policisë Rinas u arrestua në flagrancë shtetasi Renato Hajmeli, 51 vjeç, banues në Tiranë.