Vizita e Clinton/ Dritan Hila përplaset me Andi Bushatin

Analisti Dritan Hila dhe Andi Bushati debatuan lidhur me vizitën e ish-presidentit amerikan Bill Clinton në Tiranë. Bushati u shpreh se vizita e Clinton është sponsorizuar nga Soros, me kërkesë të Ramës, gjë që është kundërshtuar nga Hila. Ai tha se nuk mund të thotë nëse vizita e tij ka qenë për “t’i tërhequr veshin” Kurtit, por di të thotë se Clinton nuk është naiv në politik pasi ai ka udhëhequr botën.

“Arsyeja se pse është në Tiranë si një lloj kritike ndaj Albin Kurtit, si një lloj tërheqje vëmendje, kjo pak rëndësi ka.

Mund ta komentojmë gjatë gjithë kohës, por unë nuk mendoj se njeriu që veprën më të madhe të veprës së tij, luftën më të çmuar, ka çlirimin e Kosovës, të mund ta shkëmbejë me një qokë për Sorosin apo djalin e Sorosit.

“Duket qartë që kjo është një vizitë e ndërmjetësuar nga fondacioni Soros. Po të shihje djalin e Soros, ngjitur me Clinton edhe drejtorin e Soros për Shqipërinë, ndërkohë që mungonte presidenti i vendit, mungonte Ilir Meta, Sali Berisha.

Clinton nuk ka ardhur si ish-president. Ka ardhur si njëri i lobuar, ishin të pranishëm vetëm njerëzit që donte Edi Rama.

Për mua mesazhi më i fortë që dha ish-presidenti Clinton ishte që nga Tirana dhe çlirimtari i Kosovës të goditej Albin Kurti dhe politika që po ndiqet në Kosovë”, tha Bushati.

Ai vijoi duke thënë Clinton në Shqipëri ka ardhur për interesa personale dhe se është paguar ndërsa shtoi se qëllimi ishte të godiste Albin Kurtin.

Bushati tha se kjo nuk do të ishte hera e parë që një ngjarje e tillë ndodh, pasi edhe më herët ka pasur ish-president që kanë ardhur për interesa të veta personale, e solli këtu rastin e presidentit Bush, i cili sipas gazetarit “erdhi të përqafohej me Saliun, me paratë e grekut”.

“Në vitin 1996, ai Saliu na rrahu në ’96 dhe vodhi zgjedhjet në gjithë Shqipërinë. Bill Clinton i tha mbaje pushtetin por përsërit zgjedhjet në 40 zona. 17 tha Saliu dhe kjo nuk bëhet.

Një muaj më vonë të gjitha fjalët që dëgjoj nga Hila sot, i kam dëgjuar nga Salistët atëherë. Se një manjat i madh grek mori jahtin dhe solli këtu Xhorxh Bushin të përqafohej me Saliun.

Ish-president amerikan që i kishte të gjitha këto informacione, e solli leku grek për të mbështetur Saliun që nuk po i bindej.

Bota perëndimore e njeh, është bërë problem dhe diskutohet kudo. Ish-njerëz që mbajnë funksione, nuk bëjnë para, jetojnë me rrogën që u jep shteti, por pasi largohen nga posti i shumëfishojnë paratë dhe luajnë për interesat e tyre private”,-tha Andi Bushati.