Vrasja e policit/ Basha dënon sulmin: Beogradi të distancohet

Kreu i Partisë Demokratike, Lulzim Basha iu është bashkuar reagimeve pas sulmit ndaj Policisë së Kosovës, ku një efektiv humbi jetën dhe u plagosën dy të tjerë.

Në një reagim në rrjetet sociale, Basha theksoi se PD është në krah të Kosovës, ndërsa i bën thirrje autoriteteve të Beogradit që të dënojnë dhe të distancohen prerazi nga kjo ngjarje e rëndë.

REAGIMI I BASHES
Në këtë çast kritik të betejës kundër krimit jemi në krah të punonjësve të Policisë së Kosovës dhe autoriteteve të vendit teksa punojnë për vënien e autorëve të kësaj ngjarje të rëndë para ligjit

I tronditur nga vrasja e punonjësit të Policisë së Kosovës dhe plagosja e një tjetër punonjësi ne Leposaviq. Mendimet dhe lutjet e mija janë me familjarët dhe kolegët e punonjësit që humbi jetën në krye të detyrës si dhe për daljen nga rreziku e shërimin e kolegut të tij të plagosur. Në këtë çast kritik të betejës kundër krimit jemi në krah të punonjësve të Policisë së Kosovës dhe autoriteteve të vendit teksa punojnë për vënien e autorëve të kësaj ngjarje të rëndë para ligjit.
Ju bëj thirrje autoriteteve të Beogradit të dënojnë dhe të distancohen prerazi nga kjo ngjarje e rëndë dhe nga gjuha e aktet destabilizuese.