‘Vuçiç është i rrezikshëm’, eksperti zbardh lëvizjet e Serbisë pas dështimit në Banjskë

Pas agresionit serb në Banjskë të Zveçanit, situata në Kosovë është tensionuar, ku edhe tani është vënë në pikëpyetje vazhdimësia e dialogut me Serbinë. Se çfarë mund të ndodhë më pas dhe si mund të zhvillohen ngjarjet pas këtij agresioni serb, tregoi eksperti i sigurisë, Fatjon Softa.

Krahas kësaj, ai foli edhe për rrezikun mbi përshkallëzimin e situatës në Ballkan, pas provokimeve të vazhdueshme.

Sipas tij, Ballkani vazhdon të jetë ende një rajon me probleme dhe konflikte të fshehura, të cilat krijojnë ndjenjën e pasigurisë te qytetarët.

Eksperti i sigurisë komentoi ndikimin e luftës Izrael-Hamas në vëmendjen e ndërkombëtarëve, si dhe ndikimin rus në Ballkan dhe lidhjet Rusi-Serbi.

“Sulmi në Zveçan ishte dështim i një plani të mirë menduar, që fatmirësisht dështoi por që është tregues i rrezikut të lartë”, tha ndër të tjera Softa, duke shtuar se “Fatkeqësisht, Ballkani është zonë influencash dhe interesash, me lider ballkanik që kanë qasje të dyfishtë dhe jo bashkëpunues”.