Vuçiç në Kosovë? Presidenti serb përplaset me gazetarin: Nuk e pyes Kurtin

Në përfundim të konferencës para gazetarëve, presidenti i Serbisë, Aleksandër Vuçiç, ka shkëmbyer disa fjalë me gazetarin kosovar, Gazmend Syla, i cili kërkoi t’i bënte presidentit serb disa pyetje shtesë.

Vuçiç i thotë gazetarit Syla se i ka parashtruar katër pyetje, ndërkohë që e fton në Beograd “për t’iu përgjigjur në të gjitha pyetjet”.

“Eja në Beograd te unë dhe do të të përgjigjem në gjithçka”, ka thënë Vuçiç.

Ndërkohë Syla i është kundërpërgjigjur duke i thënë Vuçiçit të vijë në Prishtinë.

“Eja në Prishtinë dhe do t’ju bëjmë më shumë pyetje”, ia kthen gazetari Syla.

Pas kësaj Vuçiç u shpreh se do të vijë në Graçanicë së shpejti.

“Sapo t më jepni atë leje demokratike, do të vi në Graçanicë dhe pastaj edhe në Prishtinë”.

“A e keni pyetur Kurtin për të?”, e pyeti gazetari Syla.

Ndërkohë Vuçiç i përgjigjet që s’mund ta pyes Kurtin, por e pyet “popullin e tij”.

“Nuk mund ta pyes Kurtin, e pyes popullin tim dhe populli do që të më shohë”, u përgjigj presidenti serb, Aleksandër Vuçiç.