Vuçiç nis lëvizjet e forta/ Viktimizohet dhe bën presion

“Shtetet anëtare të Kombeve të Bashkuara janë të obliguara me të drejtën ndërkombëtare të veprojnë dhe të parandalojnë një rezultat anticivilizues në Kosovë” – Kështu deklaroi presidenti serb Aleksandër Vucic, teksa theksoi se Serbia do të kërkojë seancë urgjente të Këshillit të Sigurimit të OKB-së

“Një sulm i përgjithshëm ndaj serbëve është duke u zhvilluar, ndërsa vendi ynë është mbështetur në një cep të murit – tha Vucic duke shtuar se “nuk mund të heshtë dhe të marrë pjesë në persekutimin” e popullit të tij duke u shtirur si naiv, siç pretendojnë shumë në botë.

Presidenti gjithashtu u shpreh se do të kërkojë një bisedë urgjente me kreun e NATO-s, Stoltenberg, për ti treguar situatën dhe për të thënë se çfarë mund dhe nuk mund të bëjë

Ne – tha Vucic – do kërkojmë që të çmilitarizojnë të gjitha formacionet e armatosura të Forcave të Sigurisë së Kosovës

Kur u pyet nëse Serbia po përgatitej për luftë, Vucic u përgjigj se nuk ishte, por se forcat e armatosura ishin gati të mbronin vendin nga cdo kërcënim ndaj sovranitetit dhe integritetit të Serbisë

Ai theksoi gjithashtu se nuk reagon në bazë të presioneve të shtypit dhe nuk mund të sillet në mënyrë joserioze si regjimi i Albin Kurtit në Prishtinë.