Vuçiç vazhdon të hajë karrota/ 20 miliardë euro investime nga Perëndimi

Investimet e mundshme nga Katari, të cilat u përmendën nga presidenti serb Aleksandar Vuçiq pas takimit me emirin e këtij vendi të Lindjes së Mesme, janë pjesë e “karotës” që e pret Serbinë nëse kthehet nga Perëndimi dhe është konstruktive për zgjidhjen e problemeve me BE dhe Kosovën – shkruan sot Demostat, që merret me hulumtime.

Vendet aleate me Perëndimin, si monarkitë e Gjirit, nuk investojnë në tregje si ai serb pa një sinjal të qartë nga Perëndimi. Kështu ka qenë edhe në vitin 2013, kur është nënshkruar Marrëveshja e Brukselit dhe kur kanë filluar të vijnë investime nga Emiratet e Bashkuara Arabe në Serbi, shkruan Demostat duke shtuar se e njëjta gjë vlen edhe për fuqitë e tjera ekonomike botërore, si Japonia, nga ku ka aktualisht interes për hidrocentralin e Bistricës.

Katari është një nga partnerët më të afërt ushtarak të SHBA-së në rajon dhe baza ajrore në Katar është baza më e madhe amerikane në Lindjen e Mesme, ndërsa presidenti amerikan Joe Biden vitin e kaluar e shënoi Katarin si një nga aleatët kryesorë jashtë NATO-s.

Që nga nënshkrimi i Marrëveshjes së Brukselit në vitin 2013 e deri më sot, në Serbi kanë hyrë mbi 20 miliardë euro investime të huaja nga Perëndimi.