Marrëdhënie seksuale me dhunë, motivi i plagosjes në Vaun e Dejës

Një 68-vjeçar është plagosur me thikë mbrëmjen e së enjtes në Vaun e Dejës nga një 21-vjeçare. Mësohet se i moshuari Zef Paloka tentoi tentoi të kryente marrëdhënie seksuale me dhunë me Nikoleta Nikajn. Ngjarja e rëndë ka ndodhur ne fshatin Dejë. Zef Koleka u paraqit i plagosur në spitalin e Shkodrës.

…

Pak minuta pasi u raportua se një i plagosur me thikë është paraqitur në spitalin Shkodrës, policia ka vënë në pranga autoren, 21-vjeçare, Nikoleta Nikaj. Mësohet se i plagosuri është shtetasi Zef Paloka, 68-vjeç. Grupi hetimor nën drejtimin e Prokurorit po punon për sqarimin e rrethanave të sakta të ngjarjes dhe dokumentimin ligjor të këtij rasti.

Vau i Dejës/Informacion paraprak

Rreth orës 21:30, në urgjencën e Spitalit Rajonal Shkodër ka mbërritur për ndihmë mjekësore shtetasi  Zef Paloka, 68 vjeç, banues në  Vaun e Dejës, i plagosur  me mjet prerës (thikë).

Shërbimet e Policisë kanë reaguar menjëherë, duke  identifikuar dhe kapur autoren e dyshuar të plagosjes, një 21 vjeçare, banuese në Vaun e Dejës, e cila po shoqërohet në Komisariatin e Policisë Vau i Dejës, për veprime të mëtejshme.

Grupi hetimor nën drejtimin e Prokurorit po punon për sqarimin e rrethanave të sakta të ngjarjes dhe dokumentimin ligjor të këtij rasti.

Deshmia e gazetarit

“Ngjarja ka ndodhur në fshatin Dejë, Vau i Dejës.  Ngjarja ka ndodhur në shtëpinë e kësaj të fundit dhe vajza në vetëmbrojtje e ka qëlluar disa herë me thikë të moshuarin. Vajza ka qenë e vetme në shtëpi kur është sulmuar nga 68-vjeçari”, raporti gazetari Simon Shkreli.

Vajza ka deklaruar se i moshuari ka tentuar të kryejë marrëdhënie seksuale me dhunë, ndërsa pas shoqërimit në polici ajo e  ka pranuar autorësinë. Agresori dhe vajza janë banorë të zonës. Autori i dyshuar për përdhunim ndodhet aktualisht në spitalin e Shkodrës dhe sipas informacioneve është jashtë rrezikut për jetën