Zbulohet parcelë me kanabis në Gjermani, arrestohen 2 shqiptarë

Dy shqiptarë kanë rënë në prangat e policisë në Gjermani, pasi akuzohen për kultivim dhe trafikim të lëndëve narkotike.

Ata u kapën nga policia duke u kujdesur për bimët narkotike në një parcelë me 1.800 bimë kanabisi.

Sipas medieve gjermane dy bashkatdhetarët janë drejtuesit kryesor të një grupi kriminal që operon në fushën e kultivimit dhe trafikimit të lëndëve narkotike.

Aktualisht të dy shqiptarët ndodhen në paraburgimin e Geislingen, kur presin të marrin gjykimin nga drejtësia gjermane.