Zbulohet plantacioni me kanabis, në pranga 3 të rinj shqiptarë

Një plantacion i rritjes së kanabisit i cili kontrollohej nga disa shtetas me kombësi shqiptare, është zbuluar në  në Muntanyes de Prades të Barcelonës nga autoritetet spanjolle. Mediat e huaja raportojnë se u arrestuan dy 25-vjeçarë dhe një 28-vjeçar, të tre me kombësi shqiptare.

Plantacioni i goditur nga policia kishte më shumë se 10 mijë rrënjë kanabisi dhe përfshinte një hapësirë prej më shumë se 1 kilometër katror. Gjatë operacionit nga autoritetet spanjolle në zonën përreth kanabisit u gjetën edhe disa armatime.

Përveç 10,112 bimëve, ekzistonte edhe një sistem vaditjeje i përbërë nga tuba plastikë për transportin e ujit të vendosura në një luginë të sipërme. Gjithashtu autoritetet gjetën katër tarraca të tjera të përgatitura për plantacione të reja, disa shishe benzinë ​​dhe një gjenerator elektrik për të pompuar ujin në të gjitha parcelat ku rritej marjuana.