Zgjedhje në geton europiane/ Reagimi i Brnabiç

Kryeministrja e Serbisë, Ana Brnabiç, ka komentuar zgjedhjet që u mbajtën në katër komunat veriore në Kosovë.

Në një postim në profilin e saj në Twitter, të cilin e ka shkruar në gjuhën angleze, ajo është shprehur shumë e pakënaqur me mbajtjen e zgjedhjeve, duke sulmuar fuqitë botërore që përkrahën mbajtjen e tyre.

“Mbajeni mend këtë ditë. Kjo është dita kur geto e fundit evropiane legalizohet dhe legjitimohet” – shkroi Brnabic e cila në postimin e saj ka taguar Ambasadën Amerikane, Bashkimin Europian dhe OSBE-në, duke u shprehur e mllefosur për mbështetjen që i dhanë Republikës së Kosovës për mbajtjen e zgjedhjeve.