Zgjedhje për t’u harruar! PD e Alibeajt poshtë e më poshtë

Në 29 bashki ka përfunduar tashmë numërimi i votave për zgjedhjet lokale, ku Partia Socialiste ka arritur të marrë 23 prej tyre, dhe koalicioni “Bashkë Fitojmë”, 6. Ajo që bie në sy është rezultati shumë i dobët i Partisë Demokratike, të drejtuar nga kryetari i komanduar Enkelejd Alibeaj. Nga bashkitë ku është mbyllur numërimi, Alibeaj kishte kandidat në vetëm 4 prej tyre, në Kamëz, ku garonte Mehdi Bajraktari, në Këlcyrë Adriatik Spahiu, në Tepelenë me Sokol Gugën dhe në Poliçan me Florjan Qamën. Ky i fundit është i vetmi që ka arritur të marrë një rezultat më të mirë se “kolegët” e tij të cilët kanë renditur të fundit.

Qama ka rritur të marrë 545 vota, duke lënë në vend të fundit Behar Xhaferajn e “Bashkë fitojmë”.

Duket se përçarja e krijuar në kampin blu ka dëmtuar më shumë grupimin e Alibeajt, i cili edhe në fillim të procesit përgatitor për zgjedhjet ka pasur problematika të shumta.

Votat e kandidatëve të Alibeajt, në bashkitë ku ka përfunduar numërimi:

-Mehdi Bajraktari 1995 vota

-Adriatik Spahiu 137 vota

-Sokol Guga 346 vota

-Florian Qama  545 vota