Zgjedhjet në SHBA/Biden kryeson në Pensilvani! Avokati i fushatës së Trump: Nuk ka mbaruar ende

Fushata e Donald Trump ka reaguar, pas rezultatit të dalë në Pensilvani, ku Joe Biden kryeson me 95% të votave. Sipas BBC, avokati i fushtës Matt Morgan ka deklaruar se këto zgjedhje nuk kanë përfunduar.

“Këto zgjedhje nuk kanë mbaruar .Projeksioni i rremë i Joe Biden si fitues bazohet në rezultatet në katër shtete që janë larg përfundimit ”– ka thënë avokati i fushatës Matt Morgan.

Gjithashtu, Morgan ka kundështuar se Arizonën do ta fitojë Biden, ku dhe ka shtuar se  mijëra vota në Nevada janë të parregullta.

“Biden po mbështetet në këto shtete për pretendimin e tij të rremë në Shtëpinë e Bardhë, por sapo zgjedhjet të jenë përfundimtare, Presidenti Trump do të rizgjidhet,”– ka thënë ai.

Në SHBA, vazhdon numërimi i votave, për zgjdhjen e Presidentit. Joe Biden ka tashmë 264 vota elektorale, kundrejt Donald Trump që ka vetëm, 214. Demokratit i duhen të pak  vota për të kapur minimumin e 270 votave elektorale që e bëjnë atë Presidentin e ardhshëm të SHBA-ve.