Zyra Ovale në duart e Trump/ Rikthimi bjondit dhe serbofilit Richard Grenell do çojnë Ballkanin në luftë

Profesori amerikan, Daniel Serwer, duke kujtuar ate qe u quajt ate kohe “marrëveshja historike ne Zyren Ovale” mes Kosoves dhe Serbise, nen patronaxhin e ish presidentit amerikan Donald Trump,  parashikon ditë të vështira për rajonin nëse Trump do të rikthehet në pushtet dhe nëse do të mbështetet tek Richard Grenll, e të cilin Serwer e quan “Serbofil”.

Sipas tij,  Trump do ta rikthejë luftën në rajonin e Ballkanit dhe theksoi gjithashtu se do të favorizojë ndarjen e Kosovës.

“Mbështetja e Trump te serbofili Richard Grenell për këshilla mbi Ballkanin dhe investimi i dhëndrit të tij në Beograd do të garantojë mbështetje për ambiciet e Serbisë. Kjo do të përshpejtonte sfidat për kufijtë e Serbisë, si dhe për Bosnjën dhe ndoshta për Malin e Zi dhe Maqedoninë. Sfida të tilla do të ndezin dhunën, spastrimin etnik dhe përfundimisht luftën. Ballkani i zier do të vlojë në destabilitet, madje edhe në luftë rajonale nëse Trump merr një shans tjetër për të ndjekur ndarjen etnike” – ka shkruar Serwer

Për presidentin Joe Biden, Serwer u shpreh se ai u tregua shumë i butë ndaj Serbisë.

Ndërkohë për ardhjen e Kaja Kallas në krye të diplomacisë evropiane, Serwer deklaroi se ajo do të jetë shumë energjike për t’iu kundërvënë Moskës.

Sipas tij,  lidershipi amerikan për rajonin është vendimtar dhe se shumica e udhëheqësve që ka takuar e pranojnë se zgjedhjet e nëntorit do të jenë vendimtare për Ballkanin. Kthimi i Trump thotë se do të favorizoj ndarjen e Kosovës dhe se një gjë e tillë do të vazhdojë nëse Trump do të rizgjidhet president.