Itali/ 23-vjeçari shqiptar vritet nga një algjerian

Një 23-vjeçar shqiptar është vrarë pasditen e djeshme në Itali. Mediat italianë bëjnë me dije se shqiptari është vrarë me armë gjahu nga një shtetas algjerian. Ngjarja e rëndë ka ndodhur në komunën Sirolo, Ancona para hyrjes së një parkingu. Sipas rikonstruksioneve të para, sherri i nisur para parkingut ka qenë shkëndija që çoi në vrasje. I riu shqiptar ka ndërhyrë për të mbrojtur një shokun e tij, i cili ishte sulmuar nga algjeriani. Shqiptari në përpjekje për të qetësuar gjakërat është qëlluar në gjoks nga algjeriani. Ky i fundit ka arritur të arratiset, ndërsa trupi i shqiptarit ka mbetur në tokë. Pas dy orësh kërkime policia italiane ka arritur të arrestojë autorin i cili do merret në pyetje për zbardhjen e rrethanave të ngjarjes. Viktima është identifikuar si Klajdi Bitri, një punëtor 23-vjeçar me origjinë shqiptare, banues në Ankona

viktima, autori dhe momenti i arrestimit