Lajm shumë i keq për Kosovën/ Në nëntor varroset Europa nëse Trump…

Profesori amerikan, Edward Joseph, njohës i mirë i zhvillimeve në Ballkan, I është përgjigjur në disa pyetjeve në një panel forumi mbi Rajonin, për qasjen që BE e SHBA kanë ndaj Ballkanit.

Në një skenar të mundshm, ku ish-presidenti amerikan, Donald Trump, rikthehet në pushtet dhe tërheq forcat amerikane nga NATO, çfarë do të ndodhte me Ballkanin, Joseph tha se ky do të ishte lajm shumë i keq

“Sepse e vetme, BE-ja nuk është e aftë të ruajë paqen në rajon. Megjithatë, Unioni po ecën më mirë, por ende nuk merret aq seriozisht sa SHBA. Shembujt kryesorë janë si në Bosnje-Hercegovinë ashtu edhe në Kosovë, ku të gjithë e shohin SHBA-në si udhëheqëse” – ka thënë Joseph

Ndërkaq, në pyetjen se si BE-ja mund të zgjidhë nyjën e Ballkanit, ai tha se BE-ja është përgjegjëse për problemin, porse bashke me SHBA-në, mund ta ndryshojë gjendjen.

“Në Ballkan, pjesa më e madhe e problemit është Serbia, pasi refuzon të zgjedhë orientimin e saj. Beogradi në thelb refuzon rendin perëndimor për rajonin. Po si është BE-ja përgjegjëse? Është shumë e thjeshtë sepse Serbia do të zgjidhte orientimin perëndimor nëse qendrimet brenda BE-së dhe NATO-s do të kishin qene të Unifikuara. Ky është çelësi” – theksoi profesori amerikan.

Ai gjithashtu është pro mendimit që Perëndimi duhet të ketë një qëndrim të unifikuar për statusin e Kosovës kurse përdorimin nga ana e Beogradit të pakicës serbe për të arritur qëllimet e tij, Joseph e konsideroi më shumë një problem politik.