Aksident i rëndë në Klos, një person ndërron jetë

BURREL-Një person ka ndërruar jetë mëngjesin e sotëm pasi është përfshirë në një aksident në fshatin Cerujë të Klosit.

Mësohet se mjeti ka përfunduar në greminë e për pasojë drejtuesi i tij ka humbur jetën.

Ngjarja ka ndodhur në një nga rrugët e fshatit të Cerujës teksa mjeti po rimorkjohej nga një tjetër mjet.

Por këputja e litarit tërheqës ka rezultuar fatale për shtetasin P.M i cili ka përfunduar në greminë, e për pasojë ka humbur jetën.