Aksident i rëndë në Peqin-Elbasan, tre të lënduar

Një aksident i frikshëm është regjistruar këtë të hënë në aksin Peqin-Elbasan. Mësohet se tre persona kanë mbetur të plagosur, një prej të cilëve në gjendje të rëndë. Makina tip “Ford” me targë AA 683 VY  është përplasur fillimisht me një bordurë në rrugë dhe më pas ka bërë disa rrotullime duke përfunduar jashtë saj.

Policia po punon për zbardhjen e shkaqeve. Ndërkohë personi që mbeti i plagosur rëndë në këtë aksident është transportuar për ndihmë mjekësore në spitalin e Elbasanit .