Aksident në rrugën e Arbrit, raportohet për dy viktima

Një aksident i rëndë me dy viktima është shënuar në rrugën e Arbrit.  Nga informacionet e para mësohet se aksidenti u shënua në Zallbastar të Tiranës, sa kalon shkallën e Pojanit. Lajmi ne perditesim…

Një aksident i rëndë ka ndodhur në Rrugën e Arbrit mëngjesin e 18 dhjetorit, në afërsi të Shkallës së Tujanit, ku dyshohet se dy persona kanë mbetur të vdekur nga ngjarja.
Ambulanca dhe Policia ndodhen në vendngjarje dhe po punojnë për zbardhjen e plotë të rrethanave, si edhe për identifikimin e viktimave.
Detaje të mëtejshme priten.

Polici e Tiranës jep informacionin e parë lidhur me ngjarjen. Njëri nga automjetet ka rënë nga lartësia në humnerë dhe 2 shtetasit që kanë qenë në këtë automjet, kanë humbur jetën.

Më datë 18.12.2023, në Rrugën e Arbrit, afër Shkallës së Tujanit, janë përplasur 2 automjete. Si pasojë e përplasjes, njëri nga automjetet ka rënë nga lartësia në humnerë dhe 2 shtetasit që kanë qenë në këtë automjet, kanë humbur jetën.

Drejtuesi i automjetit tjetër, shtetasi K. R., ndodhet në spital, në kujdesin e mjekëve.

Grupi hetimor po punon për sqarimin e rrethanave të aksidentit dhe për identifikimin e 2 shtetasve që kanë humbur jetën.

EMRAT/ Kush janë viktimat e aksidentit në Rrugën e Arbrit! Makinat e shkatërruar krejtësisht nga përplasja