Aksident pranë TEG-ut/ Vdes shoqëruesi i ambasadorit

Një aksident i rëndë me pasojë vdekjen ka ndodhur pak para mesnatës të së enjtes pranë TEG-ut.  Një automjet me targë CD, tip ‘Hyundai Tucson’ që i përket një trupe diplomatike të akredituar në Tiranë dyshohet se ka qenë me shpejtësi tej normave të lejuara dhe ka humbur kontrollin. Shoqëruesi i ambasadorit rus në Tiranë ka humbur jetën dhe një tjetër është plagosur. Burime për NTV.AL bëjnë me dije se në automjet po udhëtonin 2 persona, të cilët janë dërguar me urgjencë në spitalin e Traumës. Shoqëruesi i ambasadorit rus nuk i ka mbijetuar dot plagëve të marra dhe ka ndërruar jetë gjatë rrugës për spital. Në vendngjarje mbërritën menjëherë forcat e policisë për të zbardhur rrethanat e aksidentit. Pamjet tregojnë se automjeti është përmbysur pas përplasjes me bordurën anësore.