Aksidenti ku vdiq Dj shqiptar/ Mësohet identiteti i viktimës së dytë, modelja e njohur

Në këtë moment vijojnë të gjitha hetimet për aksidentin e rëndë të ndodhur me një Ferrari mëngjesin e Pashkëve. Agjentët identifikuan edhe viktimën e dytë dhe ishte një modele e quajtur Anna Kraevskay , 21 vjeçe me origjinë ukrainase.

Lajmi për këtë është vetë Tgr Piemonte , ndonëse padyshim që ende nuk ka konfirmim, pasi do të duhet një test ADN-je për të thënë nëse ishin ata apo jo. I pari që u identifikua ishte automobilisti Hysni Qestay , një DJ 40-vjeçar i cili jetonte në Zvicër.

Policia arriti ta vinte në gjurmë, falë targës së mjetit, i cili fillimisht u përplas me parmakun, mori flakë dhe gjithashtu u nda në dysh. Hipoteza që duket të jetë më e mundshme është se burri ka humbur kontrollin e makinës, sigurisht për shkak të shpejtësisë së madhe . Këtë e ka konfirmuar edhe vëllai pasi ka kontrolluar targën e mjetit të tij.

Nga sa kanë rindërtuar hetuesit, të dy janë takuar gjatë natës, në një klub në Sion . Pikërisht këtu DJ do të kishte luajtur dhe më pas pasi kishin takuar modelen, ata do të kishin vendosur të kalonin kohë së bashku. Për momentin nuk dihet ende se ku ishin nisur, por aksidenti ka ndodhur në zonën e Santhias .

Nga hetimet rezultoi se ai po ecte me rreth 200, 250 km në orë . Ai do të kishte dalë nga tuneli dhe në një gjysmë kthese do të kishte humbur kontrollin e automjetit. Pasi ka dalë nga rruga, të dy pasagjerët e Ferrarit kanë humbur jetën të bllokuar në automjet, i cili ka marrë flakë menjëherë pas aksidentit . Kalimtarët, duke parë peshën e ngjarjes, kanë dhënë menjëherë alarmin.

Zjarrfikësja ndërhyri shpejt, por iu desh të punonte për disa orë për t’i çliruar . Vëllai i Hysni Qestait, duke pasur parasysh gjendjen në të cilën ndodhej kufoma, padyshim nuk e njohu atë. Për këtë arsye oficerët vendosën të urdhërojnë një test të ADN-së për të dy pasagjerët.

Megjithatë, vetëm orët e fundit ka dalë lajmi se kush ishin viktimat dhe pse ishin bashkë . Gruaja e DJ-së dhe dy fëmijët e saj të moshës 14 dhe 11 vjeçare ndodheshin në Kosovë në atë kohë , por sapo morën vesh për vdekjen e tij, u kthyen shpejt në shtëpi.