Akuzat për njohje me Efraim Diveroli, reagon Shkëlzen Berisha

Shkëlzen Berisha, djali i ish-kryeministrit Berisha, ka reaguar ashpër përmes një statusi në rrjetin social Facebook për lajmet e publikuara në media,  për njohjeje mes tij dhe Diverolit, sa herë që Rama kapet në vjedhjen e radhës ndaj shqiptarëve.

Shkëlzen Berisha në reagimin e tij i krahason shpifjet me rastin e njohur të Griseldës, ish-bashkëshortja e kryebaahkiakut të Ramës në Kavajë, Elvis, Ervis…Roshi. Kohë kur mediat e Rilindjes sponsorizuan një shpije të paskrupull se gruaja shtatzënë e Roshit, Griselda ishte dhunuar barbarisht, shpifje të cilën e nisën në gjithë mediat e huaja dhe kancelaritë perëndimore.

Berisha sqaron se nuk e ka takuar dhe nuk ka patur kurrë njohje me Efraim Diverolin, gjë të cilën e ka deklaruar edhe ai vetë në gjyq.

Postimi i plotë i Shkëlzen Berishës

Të dashur miq,

Në respekt të opinionit publik më duhet të hedh poshtë për të disatën herë, një shpifje që risillet sa herë, kryehajduti i rilindjes kapet me presh në dorë në vjedhjen e radhës! E përsëris që, në asnjë rast nuk ka patur as takim, as kontakt dhe as njohje, mes meje dhe Diverolit, siç pretendojnë shpifësit me pagesë dhe gavetat mediatike të Ramës që, përpiqen t’i shërbejnë opinionit si pjatë të re, një gjellë të prishur prej 16 vjetësh!

Kësaj here u përpoqën të sillnin si provë për gjoja përfshirjen time në një histori mashtrimi podcastin e David Packouz i dënuar për mashtrim nga drejtësia e SHBA!

Personi në fjalë në podcastin e tij nuk pretendon për asnjë moment se është takuar me mua apo se ka qenë dëshmitar i ndonjë takimi mes meje dhe Efraim Diverolit, por citon si të vetmin burim se çfarë ka i thënë vetë Diveroli para 16 vjetësh!

Ndërkohë vetë Diveroli (pra burimi i Packouz), para gjykatës amerikane dhe nën betim ka pranuar jo vetëm që nuk më ka takuar kurrë, por që ka gënjyer qëllimisht për të marrë mbështetje dhe vëmendje për biznesin e tij nga diplomatë të vendit të tij në Tiranë!

Për analogji është njëlloj sikur gavetat e Ramës t’ju sjellin si fakt deklaratat e Veliajt se Griseldës ja morën vërtet fëmijën e palindur sepse kështu i tha Ramës, ndonëse kjo e fundit para drejtësisë ka pranuar që ka shpikur e mashtruar!

Bashkangjitur deklaratën e Diverolit (origjinal dhe të përkthyer në shqip) në gjyq ku pranon publikisht se ka gënjyer dhe se nuk më ka takuar kurrë!