Alarmi në Spanjë/ 1180 vetë vdiqën në dy muajt e fundit nga i nxehti. Dhjetëfish më shumë se vjet

Në Spanjë, 1180 njerëz vdiqën nga shkaqe të lidhura me nxehtësinë midis 16 majit dhe 13 korrikut, sipas Ministrisë Spanjolle për Tranzicionin Ekologjik.

Në të njëjtën periudhë të vitit të kaluar, thuhet në një deklaratë, numri i vdekjeve që i atribuohen valëve të të nxehtit ishte 114. Deklarata zbulon se 95% e atyre që vdiqën nga valët e të nxehtit në vitin 2025 ishin mbi moshën 65 vjeç.

Ajo gjithashtu shpjegon se zonat më të prekura nga vdekjet e lidhura me nxehtësinë ishin katër rajone veriore – Galicia, La Rioja, Asturias dhe Cantabria – verat e të cilave “historikisht karakterizohen nga temperatura të moderuara”.