Alarmohet Serbia/ Shkollat marrin mbi 100 kërcënime për bomba

Pas masakrave me armë zjarri në shkollat serbe, Ministria e Brendshme e Serbisë konfirmoi se ishin bërë mbi 100 kërcënime me bombë drejt shkollave fillore dhe të mesme në të gjithë vendin.

Raportohet se Beogradi u trondit nga raportet për mjete shpërthyese të vendosura në shkolla mëngjesin e së mërkurës.

Ministria e Arsimit konfirmoi se 78 shkollave fillore dhe 37 shkollave të mesme në Beograd iu dërgua një e-mail ku thuhej se në shkolla ishin vendosur bomba.

Policia ka dërguar ekipe në terren për të hetuar kërcënimet, ndërsa studentët dhe punonjësit janë evakuuar.